Pyetje:
Disa të Krisherë vijnë që të konvertohen në Islam, kështu që ne ua diktojmë shehadetin, ne u themi :
“Thuaj: “Dëshmoj se s’ka të adhuruar tjetër me të drejtë përveç Allahut dhe dëshmoj se Muhamedi është i Dërguari i Allahut dhe Isa (Jezusi) është Fjala e Allahut dhe një shpirt prej Tij (i krijuar nga Ai).” Disa njerëz e mohojnë këtë dhe thonë mos e thuaj këtë shtesën e fundit (d.m.th Isa është Fjala e Allahut). [1]
Përgjigje:
Kurrsesi (d.m.th duhet të thuhet)! Sepse kjo ka të bëjë me të Krishterët dhe është e nevojshme sepse kjo fjalë e shkatërron pavërtetësinë mbi të cilën bazohen ata. Pra, patjetër të besoj se Isa (Jezusi) është Fjala e Allahut (Subhanehu ue Te’ala) dhe një shpirt (i krijuar) nga Ai të cilin ia ka dërguar Merjemes. Ai nuk është bir i Allahut, as nuk është Allah e as që është tre (pjesë e Trinitetit).
Pra, ky shehadet (dëshmi) lidhet me të Krishterin. Atë qe keni vepruar ju është e drejtë dhe ai që ju ka kundërshtuar juve ka gabuar.
Pyetësi:
Ata thonë: Është vërtetuar se të Krishterët e kanë pranuar Islamin gjatë kohës së Profeti (alejhi salatu ue selam), ata nuk e nxitën që ai të thonte: Dëshmoj se Isa është Fjala e Allahut si dhe shpirt (i krijuar) nga Ai.
Shejkh Muhamed bin Hadij:
Ata (në kohën e Profetit) e kuptonin këtë fjalë kurse këta janë të huaj (jo-arab), andaj duhet t’u sqarohet atyre, ngaqë të njerëzit e parë (idhujtarë e Mekes) kur ai (Profeti) u tha atyre:
“Thoni: La ilahe il-lAllah – nuk ka të adhuruar tjetër me të drejtë pos Allahut, që të shpëtoni.”
Ata (idhujtarët) thanë:
أَجَعَلَ الْآلِهَةَ إِلَـٰهًا وَاحِدًا ۖ إِنَّ هَـٰذَا لَشَيْءٌ عُجَابٌ
“A mos kërkon ai, që t’i bëjë të adhuruarit një të adhuruar të Vetëm? Vërtet që kjo është një gjë e çuditshme!” Sad, 5
Pra, arabët e njihnin këtë fjalë. Tani, arabët kanë nevojë për ta kuptuar këtë fjalë.
I Krishteri Arab e kupton domethënien e fjalës La ilahe il-lAllah përmes gjuhës së tij të pastër arabe, kurse ky është i huaj (jo-arab), ka nevojë që t’i sqarohet kjo gjë. Dhe qëllimi me këtë gjë është që të hiqet nga zemra e tij ajo që ishte ngulitur tek ai lidhur me hyjnizimin e Isës (alejhi salatu ue selam).
Shejkh Muhamed bin Hadij
Përktheu: Jeton Shasivari