JAHJAGA SERBËVE NË VERI: KOSOVA ËSHTË ATDHEU JUAJ

0
189

“Qytetarët serbë në komunat në veri duhet ta ndiejnë dhe ta kuptojnë Kosovën si shtet dhe atdhe të tyre. Ta ndiejnë se diversiteti kulturor, etnik dhe fetar është pasuri jona e përbashkët dhe ta kuptojnë se e ardhmja e tyre është brenda këtij shteti”, tha ajo duke folur shqip, për ta vazhduar mesazhin në gjuhën serbe.

“Për këtë, thërras qytetarët e komunitetit serb, posaçërisht ata që jetojnë në komunat në veri që të shohin nga e ardhmja e tyre së bashku me të gjithë qytetarët e tjerë të Kosovës”, theksoi ajo.

“Atdheu juaj është Kosova, vendi i aspiratave dhe mundësive të mëdha. Atdheu juaj është Kosova, vendi i shpresës dhe përgjegjësive të përbashkëta. Ejani që ta ndërtojmë së bashku për mirëqenien tonë dhe për të ardhmen e sigurtë e më të mirë”, u shpreh Presidentja Jahjaga në gjuhën serbe, duke iu drejtuar komunitetit serb kosovar, veçmas në veri të Mitrovicës e të vendit.

LEAVE A REPLY

Please enter your comment!
Please enter your name here