Presidenti amerikan, Barack Obama, shpalli gjendjen e jashtëzakonshme në West Virginia, pasi një rrjedhje kimike detyroi autoritetet të mbyllin shkolla dhe biznese, ndërsa 300 mijë persona u këshilluan të mos pinë ujë nga rubineti.
Lënda kimike, që përdoret në industrinë e qymyrgurit, u derdh në Lumin Elk, në kryeqendrën e Carlestonit.
Autoritetet e West Virginia-s këshilluan banorët të mos pinë ujë, të mos lahen, të mos gatuajnë apo të lajnë rroba, me ujin e rubinetit. Ndërkohë, nisën përpjekjet për të shpërndarë shishet e mbushura me ujë të pijshëm.
Prokurori i Përgjithshëm në këtë zonë tha se autoritetet federale nisën hetimet për të zbuluar shkakun e rrjedhjes kimike. Bashkiaku i Carlestonit, Deni Xhons, tha, gjatë një konference për shtyp, të premten, se “rrjedhja ishte shokuese për publikun dhe për të gjithë njerëzit, që jetojnë në qytetet përreth”.