Perëndimi i Diellit

Perëndimi i Diellit

Perëndimi i Diellit na kujton se fundi jonë, pa marrë parasysh të kaluarën, duhet të jetë i mirë. Të përcëllon gjatë gjithë ditës e në fund largohet në mënyrë shumë mbresëlënëse.

Nuk them se duhet t’u shkaktojmë dëm të tjerëve, e në fund t’u bëjmë mirë, por mendoj se të gjithë herë pas here gabojmë, pse të mos pendohemi e të përmirësohemi? Pse të mos ndahemi me mirësi, e kështu të harrohet e keqja që ishte mes nesh? A domethënë se një gabim i dikurshëm duhet të jetë shkak për urrejtje të përjetshme? Edhe ty të ka rastisur të gabosh ndaj të tjerëve, por ata u treguan bujarë dhe ta falën, e ti nuk po arrin ta kalosh egon tënde.

Mendo, reflekto…

Liridon H. Tërstena