Rrushi është i pasur me vitaminë B6, fibër, kalium, mangan dhe antioksidantë. Foto: Flickr
Gjumi është shumë i rëndësishëm për mbarëvajtjen e organeve dhe të gjithë organizmit.

Ai është i lidhur ngushtë jo vetëm me shëndetin mendor por edhe me mbipeshën dhe rënien prej saj.

Ndërprerja e tij ose cilësia e dobët e gjumit është faktor i rëndësishëm në shtimin në peshë.

Ekspertët rekomandojnë që njerëzit që përkujdesen për shëndetin duhet të jenë të vëmendshëm ndaj ushqimeve që konsumojnë përpara se të shkojnë për të fjetur.

Ndërkohë sipas tyre, ka disa ushqyes që ju ndihmojnë të eliminoni yndyrnat dhe të përmirësoni nivelin e sheqerit në gjak.

AgroWeb.org ju rekomandon pesë pijet dhe ushqimet e duhura që mund të konsumoni përpara se të flini:

Qumështi dhe Kosi
Qumështi përmban triptofan dhe kalçium të cilat ju ndihmojnë të bëni një gjumë të qetë.

Një gjumë i tillë pakëson oreksin e tepërt të nesërmen.

Qumështi përmban edhe proteina që janë të ngadalëta në tretje.

Këto proteina ju ndihmojnë të krijoni masë muskulare ndërkohë që jeni në gjumë.

Kosi është një produkt mirëbërës për të rritur dhe për fëmijë.

Ai prodhohet nga fermentimi i qumështit dhe është i pasur me proteina, kalçium, vitaminë B6, B12 dhe probiotikë.

Lëngu i rrushit
Përmban karbohidrate të thjeshta të cilat nxisin sekretimin e insulinës ndërkohë që jeni në gjumë.

Ky lëng gjithashtu rregullon orën biologjike të trupit ndërkohë që antioksidantët eliminojnë yndyrnat.

Çaji Kamomil
Çaji kamomil luan rolin e qetësuesit natyral.

Ky çaj gjithashtu është i lidhur fort me përmirësimin e kontrollit mbi glukozën dhe rënien në peshë.

Kefiri
Kefiri është i pasur me probiotikë të cilët mirëmbajnë nivelet e shëndetshme të baktereve.

Probiotikët përmirësojnë gjithashtu përthithjen e vitaminave dhe mineraleve.

Sipas të dhënave të AgroWeb.org ky lëng është shumë i pasur me probiotikë dhe i dobishëm për stomakun.

Ky produkt në të vërtetë ka më shumë probiotikë se kosi.

Probiotikët janë baktere të mira që e mbajnë stomakun të shëndetshëm.

Bakteret e mira nuk duhen nënvlerësuar sepse 75% e sistemit imunitar të njeriut e ka pikënisjen tek sistemi tretës.

Ujë me limon jeshil, mente dhe fruta
Nëse gjatë natës ju duket sikur jeni të uritur, pini një gotë me ujë me limon jeshil, mente dhe fruta.

Në këtë mënyrë do të merrni ushqyes të dobishëm dhe nuk do ta teproni me ushqimin.

Gjithashtu AgroWeb.org ju këshillon se një zgjedhje e duhur është edhe konsumimi i kastravecit në mbrëmje sepse ndihmon për tretjen dhe falë përmbajtjes së fibrave ndihmon të japë ndijesinë e ngopjes për më gjatë./AgroWeb.org

A është ndoshta dita e martesës, apo dita e maturës, apo dita kur keni diplomuar në fakultet, apo dita kur jeni punësuar?

Njeriu i cili e ka larguar nga rruga një degë e cila i pengonte kalimtarët, ai nuk e ka ditur se ajo do të jetë dita më e rëndësishme dhe më e lumtur e jetës së tij, sepse Allahu e ka falënderuar për këtë vepër të mirë dhe ia ka falur mëkatet.

Gruaja prostitute, nuk ka pritur se dita, kur e ka ngopur me ujë një qen, i cili po mbaronte nga etja, do të jetë dita e saj më e rëndësishme dhe më e lumtur e jetës, sepse Allahu e fali për këtë vepër të mirë.

Dita më e rëndësishme në jetën e Jusufit (a.s.), ka qenë dita kur është gjetur ballë për ballë me gruan e bukur të sundimtarit, e cila u përpoq ta shtynte të bënte mëkat, duke i thënë: “Eja!”, kurse ai i tha asaj: “Zoti na ruajt!” Për këtë, Allahu e shpërbleu me shpërblimin më të bukur dhe e bëri të afërm për Vete, duke e konfirmuar sinqeritetin dhe devotshmërinë e tij në ajetin kuranor: “…Kështu ka qenë kjo, për ta ruajtur Na atë nga mëkati dhe vepra e shëmtuar, sepse ai, në të vërtetë, ka qenë nga robërit Tanë të sinqertë.” (Jusuf, 24)

Dita më e rëndësishme dhe më e lumtur në jetën e sahabëve, të cilët morën pjesë në betejën e Bedrit, ka qenë dita, kur u është thënë: “Bëni gjithçka që dëshironi, jeni të falur.”

Dita e jetës për sahabiun fisnik Talha (r.a.), ka qenë dita e betejës së Uhudit, kur me trupin e tij e ka mbrojtur Pejgamberin (savs) dhe ka marrë shumë plagë, meqë rast Pejgamberi (savs), i ka thënë: “O Talha, ti e ke të garantuar xhenetin.” Kurse Ebu Bekri (r.a.) ka thënë: “Dita e betejës së Uhudit ishte dita e Talha-s.”

Njeriu përjeton ditën më të madhe dhe regjistrohet në radhën e të lumturve për shkak të ndonjë situate të veçantë dhe ndonjë veprimi, për të cilin Allahu i Plotfuqishëm ia jep mundësinë dhe ia nënshtron shkaqet, të cilat e çojnë deri te ai qëllim.

Cila është dita jonë e jetës?

A e kemi kuptuar, apo ende nuk e dimë se cila është ajo ditë?

Ndoshta ajo është dita kur neve fshehurazi na kanë rrjedhë lotët nga devotshmëria.

Ose dita kur, në emër të Allahut, e kemi kundërshtuar thirrjen e pasionit, duke pasur mundësi që ta kryejmë një mëkat.

Ose kur kemi sjellë gëzim në zemrën e një muslimani.

Ose kur e kemi ledhatuar kokën e një jetimi.

Ose kur ia kemi puthur dorën nënës sonë.

Ose kur e kemi takuar një vëlla musliman me buzëqeshje në fytyrën tonë.

Ose kur kemi dëshmuar me drejtësi dhe ia kemi thënë të vërtetën në fytyrë zullumqarit, edhepse na kanë kërcënuar me dënime dhe sanksione.

Ose kur, në emër të Allahut, i kemi ndihmuar një njeriu të dëmtuar.

Ose kur e kemi mbuluar turpin e dikujt tjetër.

Ne këtë nuk e dimë, prandaj nuk duhet t’i humbim shpresat dhe nuk duhet ta nënvlerësojmë asnjë vepër të mirë, edhe nëse në sytë tanë duket e vogël dhe e parëndësishme.

Përkthim: Miftar Ajdini

A keni probleme me lukthin, ja si t’i shmangni ato!
Me përshpejtimin e tretjes zgjidhen shumë probleme shëndetësore të cilat e përcjellin punën e ngadalshme të sistemit të tretjes

Në atë mënyrë nxjerrim jashtë tepricën e lëngjeve nga organizmi dhe ndihemi më lehtë dhe më të shëndetshëm.

Nëse jeni ndër ata njerëz të cilët një kohë të gjatë kanë probleme me kapsllëkun, patjetër lexoni dhe aplikoni këto këshilla.

Shtoni sasinë e vajit në ushqim

Për të përmirësuar punën e sistemit të tretjes dhe për t’u pastruar duhet të hani edhe sa më shumë vajra natyrale të cilat gjenden mjaft në pemë arrore, fara dhe avokado.

Shmangni ushqimin e thatë

Ushqimit të thatë i nevojitet më shumë lagështi në mënyrë që të tretet më mirë. Andaj, hani artikuj të lëngshëm dhe të zier, jo të thatë. Ushqimi më i keq për zorrë të ngadalshme janë biskota të orizit, biskotat nga thekra, pupagjelat, pemët e thata, muesli…

Pastroni organizmin

Personave të cilët kanë probleme me tepricën e kilogramëve dhe me tretjen e ngadalshme u rekomandohet pastrimi i organizmit. Për këtë nevojitet vullnet i fort, mirëpo me ndihmën e personit të dashur më lehtë me siguri do ta detyroni veten në këtë veprim.

Shmangni ushqimin e papërpunuar

Ushqimet të cilat bazohen në artikuj të papërpunuar termikisht janë shumë të shëndetshme, mirëpo për tretjen e tyre nevojiten enzima të veçanta, ndryshe nga ato të cilat shërbejnë për tretje termike të ushqimit të përpunuar.

⦁ Mënyra popullore e pastrimit të organizmit është ajo që një apo dy ditë të pini vetëm lëng të freskët nga pemët dhe perimet.

⦁ Mënyra tjetër është që një ditë në javë të pini vetëm ujë dhe të mos hani kurrfarë ushqimi të ngurtë. Nëse dëshironi edhe të thjeshtësoni pastrimin, praktikoni gjithmonë të njëjtë ditë në javë.

Shmangni bukën, makaronat dhe kokrrat e tërshërës

Ky është ushqim i rëndë i cili ngadalëson punën e zorrëve dhe nxit shtimin e peshës trupore. Prandaj, karbohidratet e thjeshta, të cilat në mënyrë “perfide” na mbushin me energji afatshkurtër, zëvendësoni me drithëra kokrrash të plota.

Konsumoni më shumë drithëra kokrrash të plota

Ato janë karbohidrate të përbëra të cilat në afat të gjatë na mbushin me energji dhe gradualisht shkrijnë shtresat yndyrore. Drithërat e plota janë kuinoa, elbi, meli, tërshëra dhe orizi, mirëpo variantit të tyre të shëndetshëm i nevojitet kohë më e gjatë që të zihet, rreth njëzet minuta.

Lloji i gjakut është një karakteristikë e trashëgueshme dhe e pandryshueshme për njerëzit. Mund të ndikojë në tërë jetën tonë, por jo të gjithë e dinë se çfarë lloji të gjakut kanë. Ka shumë arsye pse kjo duhet të ndryshojë, ose pse duhet të dini nëse grupi juaj i gjakut është A, B, AB, ose 0.

Njohja e llojit tuaj të gjakut mund të jetë shumë e dobishme për të kuptuar reagimin e trupit ndaj ushqimeve të caktuara, ndaj cila sëmundjeve mund të jeni të prirë, si reagoni ndaj stresit, si plakeni dhe më shumë.

Vetëm një pikë gjaku është po aq unike sa gjurmët e gishtërinjve. Lloji i gjakut mund të shërbejë si një ‘mjet navigacioni’ në përcaktimin e asaj që është e mirë dhe çfarë është e keqe për ju për t’ju ndihmuar të gjeni dietën që funksionon më mirë për ju.

Studimet kanë treguar që njerëzit me një lloj të caktuar gjaku janë në rrezik të rritur nga sëmundje të caktuara.

Njerëzit me grupin e gjakut 0 kanë një rrezik më të ulët të sëmundjeve të zemrës, por një rrezik më të lartë për ulcerat në stomak. Njerëzit me grupin e gjakut A kanë një rrezik më të lartë të infeksioneve mikrobike dhe gratë me grupin e gjakut A kanë një shkallë më të lartë të pjellorisë.

Njerëzit me grupe gjaku AB dhe B kanë një rrezik më të lartë të sëmundjes së pankreasit.

Antigjenet (molekulat që promovojnë prodhimin e antitrupave, ose përgjigjet imune në trup) të grupit tuaj të gjakut nuk gjenden vetëm në gjak.

Ato janë të përhapura në të gjithë trupin, dhe veçanërisht në pjesë të trupit që ndërveprojnë me mjedisin. Këto përfshijnë sistemin tretës, zgavra në gojë, si dhe rrugët e frymëmarrjes dhe mushkëritë. Meqenëse antigjenet janë kudo, ato ndikojnë në mënyrën se si trupi reagon ndaj ushqimeve që hani, dhe ka disa faktorë të përfshirë.

Përveç kësaj, ushqime të caktuara përmbajnë lektina, proteina që lidhen me antigjenet e grupit të gjakut dhe shkaktojnë mpiksjen e gjakut – aglutinimin, i cili mund të shkaktojë lodhje të shtuar, dhimbje koke, dispepsi, probleme të lëkurës dhe probleme të tjera shëndetësore. Prandaj, njohja e llojit tuaj të gjakut mund t’ju ndihmojë të përcaktoni dietën më të shëndetshme.

Arsyeja më e rëndësishme që duhet të njihni llojin tuaj të gjakut është sepse mund të shpëtojë jetën tuaj në rast të një aksidenti trafiku ose një aksidenti tjetër, kur keni nevojë për një transfuzion gjaku.

Për të zbuluar llojin tuaj të gjakut, një mundësi është të pyesni mjekun tuaj për një procedurë dhe tjetra është të dhuroni vullnetarisht gjak për të përcaktuar llojin e gjakut.

Sot unë do të ndaj me ju nje menyre te shkelqyer pastrimi per kembet tuaja te plasaritura.Ky pastrim do te zbuse kembet tuaja. Përsëriteni te paktën 2 herë në javë.
Përbërësit që ju nevojiten:
1 lugë gjelle lëng limoni të freskët
1 lugë gjelle mjaltë
1 lugë gjelle vaj ulliri
2 lugë gjelle sheqer kaf ose sheqer te zakonshem
½ legeni me uje,transmeton 10gjera.com.

Mbushni nje gjysme legeni me uje dhe mbajini këmbët tuaja për 15 minuta në të.
Në një tas shtoni 1 lugë gjelle lëng limoni të freskët, 1 lugë gjelle mjaltë, 1 lugë gjelle vaj ulliri dhe 2 lugë sheqer.
Përzieni të gjithe përbërësit dhe perberja është gati për përdorim.
Aplikojeni ne kembet tuaja duke i ferkuar për 10 minuta,
Pastaj zhytini këmbët tuaja në një legen për 5 minuta dhe pastrojini këmbët tuaja.
Sheqeri mund të jetë një nga përbërësit më efektive kur behet fjale per nje lekure te ndritshme
Mjalti dallohet per vetite e tij hidratuese dhe qetësuese . Ai është i mbushur me antioksidantë, të cilat ngadalësojnë procesin e plasaritjes.
Vaj ullirit përmban shumë antioksidantë si ‘acid oleik dhe squalene’ që ndihmojnë në mbrojtjen e lëkurës nga ndikimi i dëmshëm i radikalëve të lira dhe gjithashtu hidraton lëkurën.
përktheu j.memeli/