Njeriu mban mend shumë kujtime nga fëmijëria. Për shumicën prej tyre ka nostalgji dhe mallëngjehet sa herë i kujton. Ngrohtësinë e tyre, qoftë edhe vetëm si kujtime, e shton një personazh shumë i çmuar në jetën e cilitdo. Ai personazh është nëna, ai emër që e kemi thirrë për çdo nevojë njerëzore. E kemi shqiptuar në rënkim, dënesje, dhimbje, lodhje por edhe në gëzime.
Ndoshta kujtimi më i veçantë është kur ke fjetur në cilëndo skutë të shtëpisë që të ka zënë gjumi, ndërsa je zgjuar në shtratin e ngrohtë, të rregulluar mirë, e i mbuluar me shumë kujdes dhe dashuri.
Hoxhë Ekrem Avdiu