Pyetja 5: Çështja e ixhtihadit (studimit analizës dhe arsyetimit fetar) a konsiderohet çështje e mbyllur apo jo?
Përgjigje 5: Çështja e ixhtihadit (studimit analizës dhe arsyetimit fetar) nuk quhet e mbyllur. Ajo është temë e hapur për njerëzit e ditur ,besimtarë dhe largpamës në librin e Zotit dhe sunetin e të Dërguarit -alejhi salatu ue selam- duke u argumentuar me fjalët e selefëve (të parëve tanë) nga shokët e profetit -alejhi salatu ue selam- , dhe ndjekësit e tyre nga pasuesit e dijes dhe besimit. Ndërsa ata të cilët nuk i kanë këto cilësi është më mirë për ta të pyesin njerëzit e ditur.
Allahu jep sukses, paqja dhe salavatet e Zotit qofshin mbi të dërguarin tonë Muhamedin, familjen e tij dhe shokët e tij.
[Komisioni i përhershëm për studime dhe fetva]
Kryetar: AbdulAziz bin Baz.
Zv.Kryetar: Abdurrezak Afifi
Lektor: Abdullah bin Ku’uud
Përktheu: Gentian Rushiti