Fëmijë që zgjohen herët dhe nuk flenë mjaftueshëm kanë probleme me depresionin dhe ankthin

0
333

Krijimi i shprehive të shëndetshme te fëmijët, siç është zgjimi herët në mëngjes, si duket edhe nuk është aq i mirë për shëndetin e tyre mendor. Hulumtimi i ri ka treguar që fillimi i mësimit para orës 8:30 në mëngjes shton rrezikun nga depresioni dhe ankth te nxënësit. Fillimi i hershëm i mësimit krijon presion te fëmijët, gjë që pengon aftësinë e tyre të gjumit dhe i ekspozon rrezikut më të madh nga shfaqja e problemeve në shëndetin mendor.

Doktori Jack Pelc, nga Universiteti Rochester Medical Center, ka thënë që për shkak të zgjimit heret, te fëmijët krijohet presioni që duhet patjetër të shkojnë në shtrat më herët.

Ai ka shtuar që gjumi i mirë dhe fillimi i mëvonshëm i mësimit japin rezultate më të mira. Ekspertët u rekomandojnë nxënësve të krijojnë rutinën e shkuarjes në gjumë gjithmonë në të njëjtën kohë, ndërsa ajo kohë është midis orës 8 dhe 10 në mbrëmje dhe të reduktojne përdorimin e teknologjisë para se të shkojnë të flenë gjumë. Në hulumtim janë vështruar 197 nxënës, të cilët i kanë plotësuar pyetësorët.

Pyetjeve u janë përgjigjur edhe prindërit e tyre, ndërkaq ato kanë pasur lidhje me shprehitë e tyre të gjumit, kur shkojnë në shtrat dhe a janë tipa të mëngjesit apo të natës.

Kanë qenë të ndarë në dy grupe: ata të cilëve mësimi u ka filluar para orës 8:30 dhe ata të cilëve mësimi u ka filluar më vonë. Shtatë ditë kanë mbajtur ditarët në të cilët kanë shënuar kur kanë shkuar të flenë gjumë, sa kanë fjetur, cilësinë dhe gjatësinë e gjumit dhe simptomat e depresionit dhe ankthit. Rezultatet kanë treguar që nxënësit të cilët janë zgjuar më herët, sepse mësimi u fillon në orën 7:30, kanë pasur simptoma depresioni dhe gjendje ankthi. Kidstime

LEAVE A REPLY

Please enter your comment!
Please enter your name here