Një ‘like’ (pëlqim) në Facebook zbulon shumë më tepër se ç’keni menduar

Një ‘like’ (pëlqim) në Facebook zbulon shumë më tepër se ç’keni menduar

Një grup shkencëtarësh përdorën njohuritë nga psikologjia e bindjes masive dhe fushatave ‘online’ dhe arritën të rrisin shitjet e produkteve specifike deri në 50%.

Në një eksperiment që ka përfshirë 3.5 milion njerëz, shkencëtarët analizuan ‘Pëlqimin’ (like) rastësor të përdoruesve të rrjetit social për të hyrë në “gjurmën e tyre psikologjike”, pavarësisht nëse ishin të introvers apo ekstrovers. (sh.p. lexo sqarimin më poshtë)

Studiuesit, të cilët nuk kishin përfitim financiar nga ky eksperiment, kanë provuar se vetëm një pjesë e vogël e firmës digjitale të përdoruesit (pëlqim) mund të jetë e rëndësishme për reklamat që u ofrohen më vonë.

Gjithçka filloi me data-bazën e madhe të “pëlqimeve” të miliona përdoruesve anonim në Facebook. Njerëzit që kanë “pëlqyer” Lady Gaga karakterizohen si persona ekstrovers, ndërsa ata që “pëlqyen” Stargate-in karakterizohen si persona introvers.

Reklamat që neve na plasohen janë në përputhje me këto pëlqime. Madje edhe vetë shkencëtarët janë të habitur, sepse reklamën që e kanë shikuar 3,1 milionë njerëz, në çdo 10.000 ‘pëlqime’, gati 500 prej tyre kanë blerë artikullin e reklamuar.

Shkencëtarët thonë se me këtë eksperiment ata donin të provojnë se çdo gjë që bëjmë në rrjetet sociale lë gjurmë në bazë të cilave më vonë na ‘servohen’ reklama.

———-
Sqarim:

Introvers = i brendshëm, i kthyer në drejtim të brendshëm , bëhet fjalë për ata persona që anojnë më shumë nga realiteti i tyre i brendshëm.
Ekstrovers=i jashtëm, bëhet fjalë kur individi është tepër i dhënë mbas realitetit jashtë vetes se tij.

Përktheu: Lutfi Muaremi