MËSHIRO…!
Disa dalin në rrugë për qejf e disa për zor. Disa ecin me makina, biçikleta, motora, për nevojë apo për rekreacion, zbavitje dhe qejf.
Por me karrocë invalidi ec vetëm ai që e ka patjetër. Këtë lloj njerëzish, të cilët jeta mjaft i ka goditë, a nuk do të duhej që ne të tregojmë respekt (më tepër se sa dhembshuri) e të sillemi njerëzishëm në raport me ta.
Sot isha duke shkuar në xhami dhe me biçikletë ecja pas një invalidi i cili ecte në karrocën e tij elektrike. Më trishtoi pamja e disa vozitësve që, përveç që shpejtonin, nuk tregonin fare respekt për atë njeri. Të mbushej mendja se kanë dalë në gara…
Mëshiro që të mëshirohesh!
