💎 Istigfarin (kërkimfaljen).
Sa herë brenda ditës kërkon falje tek Allahu?! 10 herë? 20 herë? Më shumë? Më pak?
Shumë prej nesh nuk i dinë mirësitë dhe frytet e istigfarit. Le t’i mbushim orët e jetës sonë me istigfare.
Është e lehtë për gjuhën të thuash “Estagfirullah”, por ka shpërblim të madh.
💎Koha e mëngjesit
Këtë kohë shumë njerëz nuk e njohin. Pak gjejmë nga ata që përpiqen të qëndrojnë zgjuar pas namazit, për të bërë dhikrin e mëngjesit dhe për të falur dy rekate të namazit duha pas lindjes së diellit.
💎 Leximi i Kuranit
Ky është libri në të cilin gjendet e gjithë krenaria jonë, libri të cilin nëse e lexojmë, na dhuron shefaatin (ndërmjetësimin) Ditën e Gjykimit.
Të ndajmë një kohë brenda ditës për të lexuar Kuran, qoftë edhe një 10 minutësh!
💎 Dy rekate në mes të natës
Edhe pse shumë njerëz mund ta bëjnë këtë dhe për këtë nuk iu merr më shumë se 5 minuta nga koha juaj. Ne mund të qëndrojmë para televizionit me orë të tëra, sidomos natën.
O musliman, ndaj nga kjo kohë vetëm 5 minuta dhe falë dy rekate namaz për Allahun e s’ka dyshim se ato të afrojnë më afër Tij!
💎 Sadakaja (lëmosha)
Mos e nënvlerëso qofshin ato edhe 10 qindarka, por që ato i jep çdo ditë për të varfërit.
Lëmosha fshehurazi shuan hidhërimin e Allahut!
💥💥Mos i humbisni këta margaritarë!