“Taj Mahal” i ri në Dubai

Një godinë identike me “Taj Mahal”-in e famshëm në Indi do të ndërtohet së shpejti në Dubai, në atë që pritet të jetë mrekullia e radhës e këtij qyteti.

Projekti në fjalë do të ketë një vlerë prej një miliardë dollarësh. Megjithatë, kompleksi do të jetë më i madh se origjinali dhe do të përfshijë një hotel prej 300 dhomash në brendësi.

Një pasuri botërore, “Taj Mahal” i vërtetë është një mauzole i përmasave gjigante, simboli shtetëror i Indisë dhe konsiderohet si një kryevepër e artit islamik.

Ai u ndërtua 350 vjet më parë nga Perandori Shah Jahan si një tempull për gruan e tij Mumtaz dhe pati nevojë për më shumë se 20 vjet për të përfunduar ndërtimin.

Pritet që replika e ndërtesës historike në Dubai të jetë gati deri në 2014-n.

Aktualisht, ekzistojnë plane për të ndërtuar pranë Dubait një kompleks me replika të mrekullive të botës, përfshi Kullën Eiffel, Piramidat e Egjiptit apo Murin e Madh Kinez.