Allahu i Lartësuar thotë:
“Ruhuni nga ndëshkimi (i Zotit), i Cili nuk godet vetëm ata që bëjnë padrejtësi dhe ta dini se Allahu është ndëshkues i rreptë.” El-Enfal, 25.
Ndëshkimi përfshin:
-atë që e bën padrejtësinë dhe të tjerët.
Nëse padrejtësia shtohet dhe shfaqet haptazi, ndërsa njerëzit nuk urdhërojnë njëri-tjetrin për ta ndaluar dhe për ta rregulluar atë, atëherë ndëshkimi përfshin:
-si vepruesin e padrejtësisë, ashtu edhe të tjerët.
Nga ky ndëshkim i Zotit duhet të ruhesh:
-duke këshilluar vazhdimisht për të mirë dhe duke ndaluar nga e keqja brenda mundësive.
Allahu i ndëshkon të gjithë ata që bëjnë vepra të cilat e zemërojnë Atë dhe që shpërfillin veprat të cilat e kënaqin Atë.
Shejhul Islam Ibn Tejmije -Allahu e mëshiroftë!- ka thënë:
“Kjo sprovë nuk godet vetëm të padrejtin (zullumqarin), por godet të padrejtin dhe atë që hesht ndaj ndalimit të padrejtësisë.”
“Mexhmu’ul fetaua”, 14/158.
Burimi i Jetës